Foclóir Seoltóireachta – Dictionary of Sailing

Cur síos

Cnuasach téarmaí dóibh siúd ar spéis leo cúrsaí seoltóireachta. Sa mhéid is gur roinn traidisiún láidir maraíochta le cósta thiar na hÉireann leis na céadta bliain, tarraingíodh ar an saibhreas mór téarmaí Gaeilge a bhaineann le réimsí na mbád, na saoirseachta bád agus na farraige. Thart ar 3,500 téarma atá ar fáil san fhoclóir, téarmaí dúchasacha cuid mhaith díobh a bailíodh ó chleachtóirí na ceirde sin sa Ghaeltacht.

Is mar chaitheamh aimsire, cuid mhaith, a chleachtar an tseoltóireacht inniu in Éirinn agus rachaidh an foclóir seo chun tairbhe do dhaoine a bhíonn ag cur chun farraige.