Aistir ar an Aibítir

Ar fáil go luath! Má tá sé istigh in ordú agat, ní sheolfar an t-ordú amach go dtí go mbeidh sé seo againn.

Leabhar aibítre le rannta agus ceol do leanaí idir 6 agus 11 is ea Aistir ar an Aibítir. San ocht rann déag téann gasúir ar aistir chuig tíortha éagsúla chun rudaí aite, a dtosaíonn le céadlitir a n-ainmneacha, a dhéanamh iontu.

Dhá líne atá i ngach rann nó duainín agus iad lán le rithim, rím, uaim agus comhfhuaim. Bainfidh páistí an-spraoi as a bheith ag déanamh iarracht na rannta a rá mar atá siad ráite leis an gceol.

Guthanna le canúintí láidre a chloisfear ag rá na nduainíní i lár gach míre ceoil atá bunaithe ar thraidisiúin na dtíortha sa leabhar agus cuirtear rithimí nua-aoiseacha leo chun na leanaí a chur ag rince.

Tá’n saothar aistrithe go Manainnis, Gaeilge na hAlban agus Béarla.