An tAilceimiceoir (The Alchemist)

Aistrithe go Gaeilge ag Séamus Ó Coileáin.

Tá cáil dhomhanda bainte amach ag an Ailceimiceoir agus go deimhin féin ag Paulo Coelho. Tá an bunleabhar O Alquimista le fáil i 60 teanga, agus tá sé thar am an Ghaeilge a chur leis an liosta sin. Leoga, oireann an scéal seo go seoigh don Ghaeilge.

Eachtraíonn an scéal ar aoire agus é ar thóir stórchiste folaithe a taibhríodh dó ina bhrionglóidí. Taistealaíonn sé i bhfad is i gcéin mar a mbíonn sé thuas seal, thíos seal. Is mó ní a fhoghlaimíonn sé le linn na tóraíochta, go háirithe faoi mhianta an chroí agus faoin gcinniúint. Insítear an scéal ar bhealach simplí nádúrtha.