Blas Meala: An Bheachaireacht Shimplí

Is é atá ann scéal triúr fear agus a gcuid iarrachtaí bonn a chur faoin mbeachaireacht ar bhánta na Mí.

Cuntas cuimsitheach atá sa leabhar seo ar conas beacha dubha dúchasacha na hÉireann a bhainistiú, na seifteanna ar éirigh leo mar aon leis na cinn nár éirigh, agus ar na bealaí is fearr chun stoc a bhainistiú.

Tá cur síos ann ar thalamh, ar phlandaí, ar ainmhithe agus ar mhuintir Ríocht na Mí – lón machnaimh do dhuine ar bith ar spéis leo an nádúr agus gach a maireann ann. Mar bharr air seo, tá caibidil sa leabhar ar dhéanamh dheoch ársa na hÉireann: an mheá.