Córas Fuaimeanna na Gaeilge

Is éard atá san obair seo iarracht ar roinnt den eolas atá le fáil faoi chanúintí na Gaeilge a shaothrú le chéile. Ar an gcaoi sin, ceanglaítear suas na canúintí éagsúla agus i leaba a chéile tugtar chun teibíochta iad ar bhealach a chuireas na difríochtaí do leathaobh. Dhá réir sin is féidir breathnú ar an taighde seo mar bhunús le haghaidh caighdeán idirréigiúnach ab fhéidir a cheangal go soiléir leis na canúinti faoi leith.