Fuinneog Earraigh

Is saothar ceana an cnuasach filíochta seo le Bart Bambury, saothar a léiríonn a chion ar an dúchas, ar an dúlra, agus ar chathair Chorcaí ach go háirithe, mar ar chuaigh sé chun cónaí nuair a cháiligh sé mar mhúinteoir náisiúnta, agus mar ar chaith sé formhór a shaoil.

Fuinneog is ea an fhilíocht seo ar anam cróga aibidh a bhí i ngrá leis an mbeatha, anam nár staon go deireadh, in ainneoin a dhrochshláinte sna blianta déanacha.

Earrach fada ab ea a bheatha, mar is trí fhuinneog earraigh a d’fhéach sé ar an saol. San aon chnuasach amháin, tá dánta breátha fuinte a bhuanóidh a chuimhne.