Gasúr de chuid Bhaile na nGrág

Scéal álainn inste ag gasúr óg a rugadh is a tógadh ar fheirm bheag i nGaeltacht Dhún na nGall ag tús na haoise seo caite. Tá Éire ar tí neamhspléachas a bhaint amach agus tá Dargan Ó Néill ó Bhaile na nGrág sna Rosa i dTír Chonaill ag teacht in inmhe chomh maith. Léargas álainn bíogúil ar gach gné de shaol na tuaithe in Éirinn an uair úd trí shúile an bhuachalla óg. Tá idir ghreann agus ghéire le sonrú ar eachtraí Dhargáin mar a bhuaileann sé le réimse leathan carachtar agus daoine – idir an Lucht Siúil, fhámairí leighis, throdaithe ar son na saoirse, spailpíní agus mhearnéalaigh a fhillean le scéalta iontacha faoin domhan i bhfad i gcéin, cuimsíonn scéal álainn an bhuachalla óig Éireannaigh seo cuimhní agus aislingí na glúine sin.