Mistéir an Tobair

Tá Oisín ar a laethanta saoire ón scoil agus is breá leis dul amach ar fán sna sléibhte agus sna gleannta mórthimpeall. Tagann sé ar sheanmhapa a phriocann an fhiosracht ann. Ansin castar an duine mistéireach, Mánas Mór, air agus leagann seisean cúram tromchúiseach ar Oisín. Ina dhiaidh sin tá sé sáite in eachtraí scáfara agus é ar a dhícheall na Clocha agus an Chailís a aimsiú sula mbeidh sé ródhéanach… Scéal bleachtaireachta é seo a bhfuil an draíocht agus an osnádúrthacht ag rith tríd; scéal a bhfuil teannas agus líonrith ann go dtí an deireadh ar fad.