Na Cruacha Dubha agus Paróiste na Tuaithe – Seanchas agus Scéalaithe

Is é atá sa leabhar seo cnuasach béaloidis a bhailigh Tadhg Ó Murchú agus é ag obair do Chnuasach Bhéaloideas Éireann idir 1936-1943 i bParóiste na Tuaithe agus sna ceantair timpeall ar na Cruacha Dubha. Bhuail Tadhg leis na scéalaithe a raibh Gaolainn bhinn chanúint na paróiste acu agus thóg sé scéalta de gach saghas uathu. Tugtar samplaí de na scéalta éagsúla sin sa chnuasach seo. Cuirtear breis scéalta ar fáil i bhfoirm dhigiteach trí nasc ag deireadh an leabhair. Bhí Gaolainn dhúchais ag 60% de dhaonra na paróiste fós i 1926 nuair a rangaíodh an pharóiste mar chuid den Bhreac-Ghaeltacht.

Rugadh agus tógadh Éamon Ó Céileachair i gCill Ghobnait i bParóiste na Tuaithe. Chaith sé a shaol ag múineadh na Gaolainne agus na Fraincíse i meánscoileanna i dTiobraid Árann, i mBaile Átha Cliath agus i gClaonadh, Co. Chill Dara.