Ó Lyon go Dún Lúiche

Ón bhliain 1958 go dtí 1997 bhí Art Ó Maolfabhail ina Oifigeach Logainmneacha i mBrainse Logainmneacha Shuirbhéireacht Ordanáis na hÉireann. Ó 1976 go 1997 ba é an Príomhoifigeach Logainmneacha é, agus freisin ba é Rúnaí Choimisiún Logainmneacha a chuireann comhairle ar an Rialtas. Tá mórán scríofa aige i dtaobh logainmneacha. Ar feadh tréimhse fada bhí sé ina bhall de Ghrúpa Saineolaithe na Náisiún Aontaithe ar Ainmneacha Geografacha agus ba é an Rappporteur é ag 6ú Comhdháil na Náisiúin Aontaithe ar Chaighdeánú Ainmneacha Geografacha sa bhliain 1992. Sa leabhar seo tá scrúdú déanta aige ar fhocail áirithe a léiríonn lorg na gCeilteach i logainmneacha ar fud chuid mhór den Eoraip.