Seán E. Ó Cearbhaill – Fear droichid an Rísigh

D’oscail Bardas Phort Láirge Droichead Éamainn Rís thar abhainn na Siúire sa bhliain 1984. Ba ghníomh riachtanach uasal é sin a thréaslaigh Seán leo. D’oscail saothar taighde Sheáin E. Uí Chearbhaill droichead úrnua tuisceana ar charasma agus ar mheon an Rísigh agus sa tslí sin tá a áit bhuan féin aige mar fhear droichid Éamainn Rís.

Rianaítear sa leabhar seo éirim an turais spioradálta agus creidimh agus tugtar léargas achomair spioradálta ar na príomhchoranna a bhain d’Agaistín agus a chroí ag lorg an tsuaimhnis. Leagtar béim ar na príomhsmaointe agus na príomhphointí teagaisc agus Diagachta a tháinig uaidh sna Faoistiní agus i saothair eile maidir leis an mbeatha Chríostaí.