Solas Geimhridh

Cur síos

Seo chugainn an chéad chnuasach ón bhfile Laoighseach Ní Choistealbha, a bhfuil dánta léi curtha i gcló cheana in Comhar, Feasta, Éigse Éireann, ANEAS, The Waxed Lemon, ROPES, An Capall Dorcha agus foilseacháin eile fós nach iad.

Is iomaí gradam atá buaite ag Laoighseach dá saothar filíochta go dtí seo, ina measc Duais Fhoras na Gaeilge ag Seachtain na Scríbhneoirí i Lios Tuathail, 2023. Tá ionracas agus úire sa chéad chnuasach seo óna peann, ina gcíorann sí an fhéiniúlacht, fisiciúlacht na colainne, agus cumhacht agus ceangal na healaíne.