Bróga Johnny Thomas

Cur síos

Is fada muid ag fanacht le cnuasach gearrscéalta ó Jackie Mac Donncha. Fuair muid leide anseo agus blúire ansiúd go raibh cumas thar an ngách i bhfear Chill Chiaráin, agus anois go bhfuil sé ar an bhfód caithfear a admháil gurbh fhiú fanacht. Tá scéalta anseo a phléann an domhan ina maireann muid: grá agus briseadh croí, dul in aois, saothrú an tsaoil — téamaí uilíocha an tsaoil curtha inár láthair go liriciúil, tuisceanach, íogair. Agus ansin tá na scéalta eile ann: an greann dubh, an t-osréalachas, na scéalta ón mBíobla curtha as a riocht le teann spraoi, an t-imeartas gleoite focal. Iad uilig curtha inár láthair go paiteanta i nGaeilge shuaithinseach an Iarthair.

Bronnadh an chéad duais i gComórtas Litríochta Chló Iar-Chonnacht 2012 ar an saothar seo. (less)