Ó Loinsigh agus Mason – Bleachtairí Príobháideacha

Cur síos

Scéal bleachtaireachta le Brían Mac a’ Bhaird, údar Iníon Katie.

Bleachtairí príobháideacha iad Ó Loinsigh agus Mason, iad lonnaithe i mBaile Átha Cliath ach cásanna á nglacadh acu ar fud na tíre.

Iar-Gharda é Ó Loinsigh, atá ag teacht i ngiorracht don phinsean, agus is nia Meiriceánach leis a chomhghleacaí óg, Mason.

Is minic iad in adharca a chéile faoi modus operandi an fhir óig, ach caithfear a admháil go dtugann sé an bád i dtír, fiú is go mbíonn sé ar imeall an dlí ó thráth go chéile.